Oh tambalut ku kinongoho sinding ku
Oh tambalut ku rongoho loyou ku
Oh tambalut sundung toh sopin sodu
Kakal ku osorou ika tambalut ku

Chorus :
Iti noh sinding
Sinding langad ku hu.. hu..
Soroho oku kada ku olingai
Oh tambalutku
Aharap oku hu.. hu..
Do insan tadau kopiruba wagu

Hhu.. hu.. tambalut ku (6x)

Loyuk : Suil L & Fhilix Don
Roiton : Fhilix Don
Vokal : Nazwa Naslie
Status : Side A (2)

- ©2005 Bamboo Sound Studio Sdn. Bhd. -

Sada rokot, sarawi, pelian
Sangkaau kaau id bawang liwogu
Nung karatu tokou do insane
Tungag noh mumbal kawagu

Chorus :
Olumis tuni tunion do sompoton
Kagayat ginawo hai atuk atuk
Nung kaanu ie gompoton
Kada lihuai ie monuduk

Tokou tu ngawi miambalut
Yoho, ika om nogi yaau
Nung au koilo ie tambalut
Kada okolit tudukai yaau

Loyuk : Fhilix Don
Roiton : Fhilix Don
Tarikh Dicipta : 10-11/03/05
Vokal : Nazwa Naslie
Status : Side A (3)

- ©2005 Bamboo Sound Studio Sdn. Bhd. -

Ngawi ie toomis opoit nodi
Ie tanawau otuong nodi
Ngingis di ama natagak nodi
Piginawaan toh noruyou nodi

Romou ku lumuyung au tumingkod
Kosorou nopo dika

Chorus :
Apah hinongoh koh, apah guli noh
Apah hinongoh koh, guli Noh
Au nu toi osianan, nokuro mogidu koh
Apah kada ku tongkiadai, kosianai noh ie ama

Hinongoh koh .. guli noh..
Apah.. apah..

Loyuk : Fhilix Don
Roiton : Fhilix Don
Tarikh Dicipta : 20/01/05
Vokal : Nazwa Naslie
Status : Side A (4)

- ©2005 Bamboo Sound Studio Sdn. Bhd. -

Oi tinaru ku
Timpu baino ogumu no oh boros
Nowit mantad id pogun do suai
Nga siliu tokou no kadazan dusun di molulu
Ih pitungkus tungkus mantad di pogulu

Chorus :
Kanou miangkawot longon
Popoburu diti tinaru tokou
Moi do kotopong tokou daa
Do tinaru suai
Ih nokoburu om tinaru tagayo
Id pomogunan

Oi sukod wagu
Li tokou no moti ih lansanon diolo
Sumowoli do momuruan tulun tokou
Moi do au oimpit om amu atagak
Iti no tinaru tokou
Kadazan dusun

Loyuk : Victor Paulus
Roiton : Victor Paulus
Vokal : Nazwa Naslie
Status : Side A (5)

- ©2005 Bamboo Sound Studio Sdn. Bhd. -

Soira tadau koundarangan
Hiti noh ngawi rikoton do tulun
Iti no disan dilo rahat
Lakun di mogigusa gusa
Miampai tongus di atamis
Koinsasamod do ginawo

Chorus :
Lobi nakagayat ginawo ku
Okito ku ilo nulu takawas
Iti no nulu Kinabalu
Ngaran nokotongkop id pomogunan
Ih ka’andasan do tulun do Sabah

Ilo noh ngawi ih nokito ku
Olumis tomod om osonong
Om ogumu po wagu ih suai
Ih rikoton do tombuluyon
Ih kaanu do popounsikou
Do oinsanan tutumumbului

Loyuk : Victor Paulus
Roiton : Victor Paulus
Vokal : Nazwa Naslie
Status : Side B (1)

Boros kadi taka ku
Poimpasi mosti aparu
Polidaso pomusarahan
Tumoguang ti koposion

Boros kadi tama ku
Koposion kada rubato..hu woo ho
Potoboyo noh oh ginawo
Miampai minamangun

Boros kadi tapa ku
Sonongo kowoyowoyoon.. hu woo ho
Kada tanud di au osonong
Kada sunsui di taraat

Tu pomogunan diti
Okon ko tokou sanganu
Om au alaid

Loyuk : Fhilix Don
Roiton : Fhilix Don
Tarikh Dicipta : 19/01/05
Vokal : Nazwa Naslie
Status : Side B (2)

- ©2005 Bamboo Sound Studio Sdn. Bhd. -

Soira songulun oku
Momusorou oku
Poingkuro koposionku
Id toguang

Nung haro daa sundu ku
Situlud oku
Moi hilo tawan
Mamagampot rombituon

Nga.. poingkuro..tudukai oku
Hinonggo ralan wayaan ku..

Chorus:
Osodu po toi panau ku iti
Moi gampot ie onuon ku
Tudukai oku nunu ralan
Kumaa iekorohian ku

Tudukai oku.. tudukai oku…

Loyuk : Fhilix Don
Roiton : Fhilix Don
Tarikh Dicipta : 6-9/03/05
Vokal : Nazwa Naslie
Status : Side B (3)

Kada logoso do tumalib
Gusa’ao tokou ilo timpu
Gunoo tokou ilo do tososonong
Ponuo no ilo koiman di kirati

Chorus:
Kanou no momusorou di awantang
Timpu nopo nga kigatang do butia
Ka’anu tokou nopo momoguno dilo
Li tokou no kaanu kounsikahan

Ih maso tokou do poinmulok
Pingsingilai momoguno dilo tompu
Gunoo do mogihum do toilaan
Do luma’ang id koburuon do tinu’i

Loyuk : Victor Paulus
Roiton : Victor Paulus
Vokal : Nazwa Naslie
Status : Side B ( 4)

- ©2005 Bamboo Sound Studio Sdn. Bhd. -

Upus ku kumaa dika
Au milo do boroson
Poingkuro oh kinawas
Upus ku kumaa dika
Upus ku kumaa ama

Chorus :
Apah ika pointopot
Id suang ginawo ku
Ama ie karati
Poingkuro ginawo ku
Kumaa dikoyu

Ginawo ku pointopot
Upus ku ie pointulid
Patahakon ku dikoyu
Apah, ama koupusan

Sindig ku nopo diti
Parangahan ku dikoyu
Poingkuro ginawoku apah, ama
Muhang om mupus apah
Muhang om mupus ama

Loyuk : Fhilix Don
Roiton : Fhilix Don
Tarikh Dicipta : 10/02-22/07/00
Vokal : Nazwa Naslie
Status : Side B (5)

- ©2005 Bamboo Sound Studio Sdn. Bhd. -